DaerahKota Cilegon
Trending

Tradisi Wong Cibeber Mace Kitab Burdah Nenggeni Buke Puase

CILEGON, BANTEN RAYA – Warga Kelurahan Kedaleman, Kecamatan Cibeber sampe seniki maler ngelestarikaken tradisi mace Kitab Qasidatul Burdah menjelang buke neng Masjid. Kitab Burdah niki lantunan syair salawat maring kanjeng Nabi Muhammad sing sampun dilestarikaken secare turun temurun.

Juju Jumaro, warga Kedaleman nyampekaken, tradisi mace Kitab Burdah niku sampun wenten puluhan taun lan rutin diwentenaken setiap puase Ramadan. Ning Kecamatan Cibeber, cepe Juju, pasti dados tradisi. Niki supados menambah pahale selame menjalani puase.

“Biase wong enem, anak-anak lan wong tue kumpul mace kitab Burdah niki. Niki kegiatan sing dados tradisi, utamane masjid sing maler nyekel tradisi NU (Nahdlatul Ulama),” ucape, Rebo (14/4/2021).

Juju nambahaken, biasane, warge ngebakte sedekahan atenapi dedaharan ning masjid kagge buke kangge sing hadir. Niki ugah dados tradisi warge saling lomba saking kebajikan.

“Wenten daharan sing ditokaken (Disedekahaken) saking warga. Cepe wong riki mah sedekah kangge sing puase lan buke sareng ning masjid,” imbuhe.

Sementare niku, Lurah Kedaleman Jahuri nyempekaken, wentene tradisi mace Kitab Burdah bangkit dados kegiatan ngabuburit atenapi waktu nunggu buke puase sing antuk pahale. Ketimbang ngabuburit boten jelas, mending mace salawat ning masjid sareng-sareng.

“Niki ugah pendidikan kangge generasi selanjute, sehingge tradisi mace Kitab Burdah boten terkikis sareng jaman,” ungkape.

Jahuri ngejelasaken, wentene tradisi secara turun-temurun niku ciri kesalehan sosial, sehingga sinten saos musafir atenapi warga sing boten keburu mantuk ning griye, bangkit buke sareng-sareng ning masjid.

“Tradisi niki diharepaken terus tumbuh lan melembaga ning setiap masjid,” pungkase. (uri)

Related Articles

Back to top button
× Chat Via WhatsApp